“Heidi do më tregonte një sekret, por…”- Graciano Tagani rrëfen eksperiencën në BBVIP: Romeo Veshajt edhe krahë të arta po t’i vendosësh s’fluturon dot

Ish-konkurrenti i Big Brother VIP, Graciano Tagani ka rrëfyer shumë më tepër detaje nga eksperienca e tij brenda shtëpisë.

I ftuar në emisionin “Ftesë në 5”, Graciano vazhdon të ketë të njëjtin mendim për Romeon, duke thënë se ai është i paformuar.

Pavarësisht komenteve se e ka ngritur me zgjedhjen për ta çuar në nominim, me kutinë e Panodrës, ai ka shtuar: “Unë e dija shumë mirë që Romeon edhe krahët e arta t’i vendosësh, prapë nuk do fluturojë dot aq larg”.

Ai ka treguar gjithashtu se Heidi ka qenë shumë e mërzitur për daljen e tij dhe se pak para largimit, ajo i ka thënë në vesh se loja po niste, e madje se do të ndante me të një sekret.

Graciano shprehu keqardhjen që nuk mundi ta dëgjojë vazhdimin e Heidit, por shtoi se ka bindjen se ajo është një lojtare e fortë dhe se as Romeo nuk ka pëlqim për të.